انتشر في هذه الايام تويتر ونسمع عنه ولكن لا نعرف ما هو ..
وان سالنا قالوا لنا انه مثل الفيس بوك <<< طبعا هو ولا إله علاقة بالفيس
واللي بعرف على تويتر رح يجي يستعرض قدامك
: عندك حساب على تويتر؟! 
بتجاوبهم لا عندي على الفيس
... على طول رح يقولولك: دقة قديمة. 
مع انه التويتر مش جديد وبدا من عام 2006 بس الناس كلها راحت للفيس علما بانه التويتر اورع واجمل ومختص بتتبع الشخصيات المهمة .. وهناك تجد كل الشخصيات المهمة واللي انت رح تحب اكيد تتبع اخبارها ... وكذلك تتبع الاخبار من الشبكة المفضلة عندك وماذا ايضا؟؟
وتتبع اصدقائك على تويتر .. والمزيد المزيد ستكتشفه في هذا الموقع علما بانه غير معرب بعد ولكن استخدامه سهل جدا ... فلا تقلق من هذه الناحية... انا سأتكفل بكل شيء.
اولا سنبدأ بعمل الحساب الخاص بك
وهذه دعوة منا لعمله ..
بعد الضغط سنظهر لك على تويتر
اضغط على Sign up المحددة باللون الاحمر لعمل حساب خاص بك واتبع كما في الصورة بالاسفل
ستمر الان بثلاث مراحل فتعداها بالضغط كما هو محدد باللون الاحمر
والان وفي كل مرة تريد الذهاب الى صفحتك فقط ضع على كلمة Profile الموجودة بالاعلى
وقبل البدء باي شي اذهب الى ايميلك وستجد رسالة من تويتر .. واضغط على الرابط للتفعيل كما هو محدد بالصورة
وكمان قبل ما تروح وتدور على المعارف والاقارب والعقارب زبطلي صفحتك عشان العالم تفكرك معلم على تويتر ومش مبتديء
بنضغط على تعديل البروفايل او صفحتنا كما هو محدد بالاحمر
بعدين نضغط على profile
رح يظهرلك هيك
ارفع صورتك الشخصية واكتب من اي بلد انت وتحت اكتب شوي عنك .. اكتب الشغلات الكويسة عنك
والمش منيحة ما تكتبها بلا فضايح. لاحظ شو انا كتبت:
طبعا كذب .. لا انا متفهم ولا جريء .. بس بحب ابين حالي اشي مهم ...
على طول بعد ما حطيت على Save روح اضغط على بروفايل
حتى صورتي الشخصية كذب .. انا احلى منه بكتير
هلا خلينا انسق صفحتنا ونحط على Design
بتلاقي تصاميم جاهزة ممكن تختار اي واحد فيهم وممكن انت تعمل تصميم خاص فيك
اضغط كما هو محدد باللون الاحمر لعمل تنسيق خاص فيك
ارفع صورة الخلفية اللي انت بدك اباها من جهازك
انا اخترت صورة وردة خلفيتها سودة فلازم اعمل خلفية تويتر سودة فبنحط زي ما هو محدد باللون الاحمر
وبعدين بنضغط على لون الخلفية وبنخليه اللون اللي بدنا اياه زي ما هو محدد بالاسفل
وبنعمل save
وعلى طول بنحط على بروفايل
وهيك خلصنا من تنسيق صفحتنا
والان نبدأ في عملية البحث عن من نريد تتبعهم
في الخانة المحددة باللون الاحمر اكتب اسم من تريد تتبعه
مثلا لو كنت من هواة الاخبار ابحث عن الجزيرة
اكتب AJArabic
اضغط على المحدد باللون الاحمر كما بالصورة بالاعلى لتتأكد انها الجزيرة فعلا
والله طلعت الجزيرة عنجد وخبر طازة عن اوباما ... ما جاب اشي جديد وعارفين انه القذافي لازم يرحل ...
طبعا لا تنسى ان تضغط على كلمة follow المحددة باللون الاحمر لتتبع الجزيرة
مثال اخر الملكة رانيا .. انا من عشاق هذه الشخصية .. ولكل عشاقها اكتب QueenRania
ثم follow
لاحظ ان كل من تقوم بتتبعه ستجد ما يكتبه بالضغط على كلمة Home
لقينا الخبر تبع اوباما
لو حبينا نكتبلنا تعليق بنمرر الماوس على الخبر وبنحط على Reply
ولو حبينا احنا بصفحتنا نكتبلنا شغلة بنحط على المربع المحدد باللون الاحمر بالاسفل
قم بتتبع من تريد وحاول ان تتفاعل معهم ليزيد التابعين لك
وفي اي وقت تريد الدخول الى حسابك انظرالصورة بالاسفل
ليست هناك تعليقات:
إرسال تعليق