علام : نظام مبارك تنازل عن حقوقنا المائية في يناير2009 ووضعنا حرج ..

أرسل الدكتور محمد نصر الدين علام وزير الموارد المائية والريالسابق مذكرة ابراء ذمة للمجلس العسكري وحكومة الدكتور عصام شرف .

فجر فيها مفاجأة من العيار الثقيل باتهامه نظام الرئيس مبارك بالتنازل عن حقوقنا المائية خلال مفاوضاته مع دول حوض النيل في يناير 2009 وكشف علام أن الوضع المائي حرج جدا في مصر , ونحن في خطر بسبب تأثير السدود الاثيوبية الجديدة على منابع النيل ,والتي كان معظم المسئولين في السابق يصرون على التهوين من حجم خطورتها ,ويؤكدون أن كل اتفاقات دول المنابع لن تؤثر على مصر على الرغم من أنها تقوم على تحديد حصص مائية لها خصما من حصتي مصر والسودان.

وشرح وزير الري السابق أنه لا يكيل التهم جزافا موضحا أننا لدينا اتفاقيات مع جميع دول المنابع للمحافظة على حصتنا التاريخية وعدم انشاء أي منشأ على النيل بالمنابع الا بموافقة الحكومة المصرية ,ولهذا سأل رئيس الحكومة السابق عند توليه الحقيبة الوزارية لماذا دخلنا في اتفاقية جديدة, والذي أجابه بأن وزير الري الأسبق الدكتور محمود أبوزيد اقترح ذلك بحجة أنها ستزيد من حصة مصر جاء ذلك خلال تصريحات له لبرنامج الحقيقة.

وأضاف علام ان الوزير الأسبق له مازال يتفاخر الى الآن بأنه صاحب مقترح الدخول في اتفاقية جديدة مع دول المنابع على الرغم من أن نص الاتفاقية ليس به أي بند يتيح لمصر زيادة حصتها أو يتحدث عن مشاريع استقطاب المياه المهدرة في المنابع ,وتنظم الاتفاقية فقط كيفية مشاركة جميع الدول في استغلال مياه النيل.

وأشارعلام الى ان المباحثات حول الاتفاقية الجديدة بدأت بلجان خبراء التفاوض منذ يناير 97 وحتى ديسمبر 2005 ,أي 9 سنوات عقد خلالها 6 اجتماعات فقط اتفق خلالها الخبراء على كل البنود عدا 3 بنود هي البد الخاص بعد تعارض الاتفاقية مع الاتفاقيات القائمة ,وضرورة أن تشمل مايسمى الاخطار المسبق واجراءات تنفيذية له والا سيكون بلا قيمة ,والبند الثالث عدم تغيير أي بند في الاتفاقية الا بتوافق الآراء وليس بالأغلبية وذلك وفقا لاتفاقية الأمم المتحدة الاطارية للأنهار المشتركة.

ويضيف أن البنود محل الخلاف رفعت لوزراء مياه النيل في مارس 2006 ,وعقدوا اربعة اجتماعات للتفاوض بشأنها وحتى يونيه 2007 ,وتنازلت مصر خلال هذه الاجتماعات الأربعة مبدأين ,أولهاما عدم وجود اجراءا تنفيذية للأخطار المسبق ,والتناقش في وضعها بعد اعلان المفوضية الجديدة للنيل , وذلك على بضغوط اثيوبية والتي يكون لها الحق وفقا لذلك في بناء أية سدود بأخطار لا قيمة له , وأيضا تم التنازل عن حق الفيتو الذي تمنحه الاتفاقيات القديمة لمصر بل وعلى أن تتم القرارات وفقا للاتفاقية بالأغلبية وليس بتوافق الآراء.

و اشارعلام الي ان الأكثر من ذلك هو استبدال الاتفاقيات القائمة التي تعطى حصص مصر والسودان وتحمي حقوقنا المائية بمايسمى بالأمن المائي , ورفضت دول المنابع الاعتراف بالاتفاقيات القائمة وكذا بحصة مصر وأعلنت ذلك كتابة , وهو ما دعا الى رفع النقاط محل الخلاف للرؤساء في 2008, الا أنه لم تقف التنازلت المصرية عند هذا الحد ورغم أنه لم يكن هناك الا نقطة واحدة مازلنا نتمسك بها وهي الأمن المائي وحقوقنا المائية , ففي يناير 2009 خلال جولة وزير المياه الكونغولي في دول الحوض في محاولة لتقريب وجهات النظر اتفق مع وزير المياه المصري حينذاك وقبل أن أتول الوزارة بأسابيع على حذف كلمة "الحقوق المائية" واستبدالها بالاستخدامات الحالية ,وهو ما يعني التنازل عن كل الاتفاقيات القائمة ومنها اتفاقية 59 وبند الأمن المائي وحق مصر في مشاريع استقطاب الموارد المائية المهدرة لتحقيق الأمن المائي.

وشدد علام على أن هناك مذكرة رفعها الوزير الأسبق بهذا الشأن والتي وفقا لها تحدثت أثيوبيا رسميا عن ضرورة ترشيد مصر لاستخدامتها الحالية لتمكينها من خصم حصة 5 مليار متر مكعب للتنمية بأثيوبيا ,مؤكدا أنه تولى الوزارة بعدما قدمت مصر كل التنازلت ولم يجد أي كارت للتفاوض عليه ولم يكن هناك الا الاستخدامات الحالية ورفضتها أيضا دول المنابع كما رفضت المبادرة الرئاسية المصرية السودانية لاعلان مفوضية النيل ,وخرجوا علينا هجوما جماعيا باعلان شرم الشيخ وتم فتح باب التوقيع على الاتفاقية بدون مصر والسودان.

وقال علام أن هذا السيناريو بمثابة مخطط قديم منذ الخمسينات لاثيوبيا حيث قام مكتب استصلاح الأراضي الأمريكي بعمل مخطط لأثيوبيا عام 64 لبناء 33 سدا للتحكم في مياه روافد نهر النيل بالهضبة الاثيوبية ,لافتا الى أنه من الأمور العجيبة انه عقب توليه الوزارة ارسال وزير الثقافه السابق فاروق حسني سي دي له لأعمال بناء سد أثيوبي ,وسؤاله حول حقيقة وجوده التي ينكرها وزير الري الأسبق أبوزيد , وكانت لأعمال سد تيكيزي على نهر عطبرة والذي يحجز خلفه 9 مليارات متر مكعب من المياه ,والمضحك أن السي دي يوجه نداءات الى مصر بعدم الاحتجاج ,فيما لم تبدي مصر أي رد فعل أو احتجاج بشأن بناء السد وقتها بحجة أن علاقتنا جيدة مع دول حوض النيل ولا يجب ان نسيء لها على حد قول المسئولين عن الملف بالوزارة .

و من جانب اخر حصلت " الاهرام " من مصادر مطلعة علي نص الخطاب الذي ارسله وزير الري الاسبق الدكتور ابوزيد الي الدكتور احمد نظيف رئيس مجلس الوزراء الاسبق و المحفوظ حاليا بمجلس الوزراء و جاء فيه " ان مندوب البنك الدولي اكد بصراحة و جلاء ان موضوع الاستخدامات المائية لا يمكن اغفاله في اي صياغة يتفق عليها الاطار و ان مساعينا مع باقي الدول ستتركز علي هذا المبدأ و كان موقف الوزير الكونغولي و الوزيرة الاوغندية ايجابيا لتفهم مسألة الاستخدامات الحالية و عدم المساس بها الا انهم يعترضون علي ادراج موضوع "الحقوق" " rights" حيث تشير من وجهة نظرهم الي الاتفاقات القائمة ".

و ذكر الخطاب و الكلام لابوزيد " و قد اوضحنا من جانبنا تقديرنا لهذا التفهم و ان مسألة الحقوق مرتبطة بالاستخدامات و لكن لا مانع من الوصول الي حل وسط " و " بعد التعرف علي نتيجة الجولة الوزارية في الدول الاخري اوغندا و الكونغو و مندوب البنك الدولي و في نهاية الاجتماع اكدت علي ترحيبنا بالوصول الي اتفاق تذكر فيه عبارة الاستخدامات الحالية مع توضيح امكانية زيادة هذه الاستخدامات مستقبلا في اطار مشروعات التعاون مع دول حوض النيل".

و قال " و الجدير بالذكر ان مسألة الحقوق قد تمس السودان اكثر من اي دولة اخري حيث انه لم يستكمل حصته المائية حتي الان و من المتوقع ان يحرص السودانيون علي التمسك بموضوع الحقوق لعدم التفريط في حصتهم المائية هذا و قد اوضحنا اهمية الحفاظ علي الاستخدانات المائية الحالية لول المصب و ان يذكر ذلك في الاطار القانوني لحوض النيل " .

و من ناحية اخري اكد الدكتورمحمود ابوزيد وزير الري الاسبق و رئيـس المجلس العربي للميـاه في رسالته للـ "الاهرام " ردا علي كل ما نسب اليه و كان نصها كالاتي " فقـد شـاهدت أمـس الأول برنـامج الحقيقـة،الذي إستضـاف الدكتـور محمـد نصـر الديـن عـلام، وزيـر الموارد المـائيـة والري السـابـق، والذي تضمـن أمور تمـس أمـن مصـر المـائـي، وعـاريـة عن الحقيقـة تمـامـاً. وتنـاولهـا بهـذه الطريقـة يضـلل الرأي العـام، بالإضـافـة الى الإضـرار بموقـف المفـاوض المصـري أيـاً كـان ولـن أتنـاول في خطـابي هـذا الجهـود التـى بذلهـا فـريـق التفـاوض المصـري منـذ عـام 2004، والذي يتكـون من كـل المختصيـن بالملف ، بـل سأكتفـى بالـرد على أخطـر مـا أثـاره السيـد الوزيـر السـابـق لوضـع الحقـائـق أمـام الرأي العام.

و اجاب ابوزيد عن سؤال حول هـل تهـاون المفـاوض المصـري في حقـوق مصـر المـائيـة قائلا انه لـم يتنـاول أحـاديـث الوزيـر السـابـق عـن الإتفـاقيـة الإطـاريـة لميـاه النيـل، وأهميتهـا والجهـود التي بذلت خلال فتـرات التفـاوض السـابقـة، و انه عندمـا تولى سيـادتـه أمور وزارة الري، وبالتحديـد في شهـر مـارس 2009. لقـد أجمـع وزراء ميـاه حوض النيـل في اخـر إجتمـاع لهـم بعنتيبي وبحضـوري " على أن الوزراء يفخرون بجهودهـم أثنـاء فتـرة لقـاءاتهـم السـابقـة ( بنـد 6،3 من محضـر إجتمـاع الوزراء في 24-25 يونيو 2007) ، والتي إنتهـت الى الإتفـاق على 43 بنـد من بنود الإتفـاقيـة الإطـاريـة ، ولم يتبقـى إلا بند واحـد فقط خـاص بالأمـن المائي لدول الحوض، وهـو البند (14 ب) ، حيـث يوجد خلاف بيـن مصـر والسودان وبـاقـي دول الحوض على نـص هـذا البنـد، وقـرر الوزراء رفـع الأمـر لرؤسـاء الدول لإختيـار أحـد النصيـن. وسـوف أضـع البنديـن محـل الخلاف أمـام الرأي العـام باللغـة الواردة بالإتفـاقيـة ليحكم بنفسـه إن كـانت مصـر في ذلك الوقـت قـد تنـازلـت عن حقوقهـا المـائيـة أم لا.

مشيرا الي النص المقـدم من مصر والسودان :

(14 B)”Not to adversely affect the water security and current uses and rights of any other Nile Basin state.”

(14 ب ) " و هو عـدم المسـاس بأي تأثيـر سلبـي على الأمـن المـائي لأيـة دولـة. وعـدم المسـاس بالإستخدامـات الحاليـة، والحقـوق المائيـة" و ان النص المقتـرح من بـاقي الدول: كان

(14 B) “Not to significantly affect the water security of any other Nile Basin state.”

(14 ب) " الإلتـزام بعـدم المسـاس المؤثر بأمـن أيـة دولـة من دول الحوض "

واضاف ابو زيد انه إذا كـان النـص الذي تمسكت بـه مصـر والسودان فيـه تنـازل عن حقـوق مصـر التـاريخيـة، وإستخـدامـاتهـا أم لا، وهـذان النصيـن همـا مـا أحـالتهمـا الدول السـت الى المفوضيـة التي يتـم تشكيلهـا بعـد التصديـق على الإتفـاقيـة للبـت فيهـا. وكمـا هـو معروف بأن مصـر لم توقـع على شيئ، وتوقفـت المفـاوضـات.

و مشيرا الي ان السؤال الأن، كيـف سـارت لقـاءات الوزراء والمفـاوضـات منذ أن تولى السيـد الوزيـر السـابـق الأمور، وعقـد ثلاث إجتمـاعـات في كنشـاسـا في 22 مايو 2009، وفي الأسكندريـة في 27 يوليـو 2009، وفي شـرم الشيـخ في 13 إبريـل 2010 مضيقا انه معروف ماهـي أسبـاب الخلاف الذي حدث في هـذه الإجتمـاعات، وقـد أفصـح عنـه كثيـر من وزراء الحوض. وكل مـايمكن أن أبوح بـه الأن هـو أن الوزيـر السـابـق قـد رجـع بالمفـاوضـات الى نقطـة البدايـة، وتعـامل مع الوزراء بطريقـة غيـر لائقـة تحـدث عنهـا الجميـع.

مؤكدا انه لايوجـد تفريـط في حقـوق مصـر، ولسيـادتـه أن يوضـح ماهـى إنجـازاتـه في هـذا المجـال منـذ أن تولى الوزارة حتى عـام 2009، وحتـى خروجـه عام 2011.

و عاود ابو زيد قائلا ان الوزيـر السـابـق داوم على الحديـث عن أن مبدأ الإخطـار المسبـق ومبدأ الإجمـاع لم تتنـاولهـم الإتفـاقيـة الإطـاريـة، وهنـا أود أن أشيـر الى بنود بعينهـا تتنـاول هـذه الأمـور، وهـى ضمـن الإتفـاقيـة االتي وقعـت عليهـا السـت دول : ( الفقـرة الثـالثـة – البند الخـامس ) " الإلتـزام بعـدم إحـداث أذى حسيـم لأيـة دولـة من دول الحوض".و ( البند الثـامن) " تبـادل المعلومـات بشأن أيـة إجـراءات تعـزم دولة إتخـاذهـا عن طريق المفوضيـة "

و ( الفقـرة الرابعـة ) " تلتزم دول حوض النيـل في بلدانهـا المختلفـة بالإستخـدام العـادل والمعقـول للميـاه . وأن تستخـدم هـذه الموارد بصـورة عاليـة الكفاءة اّخـذه في الإعتبـار حمـايـة الموارد لمصـلحة الجميـع."ووضعـت مقـاييس لتحديـد العدالة والمعقوليـة في توزيـع الحصص كمـا جـاء بالفقـرة( الخـامسـة – البند 1) تتلـزم دول الحوض في إستخدام الميـاه في منـاطقهـا بعـدم إحـداث أي ضـرر جسيـم لدول الحوض الأخـرى.

و استطرد قائلا ان ( الفقـرة السـابعـة – البند 35 ) : "هـذه الإتفـاقيـة الإطـاريـة لايمكـن تعديلهـا إلا بالتراضـي( الإجماع). وخـاصـة بالنسبـة لمجموعـة من البنود الأسـاسيـة، وباقـي البنود، يكون التعديـل بأغلبيـة ثلثي الأعضـاء ثم يقـدم التعديـل للدول للتصديـق.

لافتا الي انه أين التفريـط في حقوق مصـر حيث كـانت كل خطوة يتخذهـا وفـد مصـر في المفـاوضـات تبلـغ لجميـع الأجهـزة شـاملة وزارة الخـارجيـة – المخابرات العـامـة – السيـد رئيـس الوزراء- مكتب السيـد الرئيـس ، بالإضـافـة الى العرض على اللجنـة العليـا للميـاه. إن ماحدث في خلال فتـرة مبـادرة حوض النيـل لم يحدث في تـاريـخ التعـاون بين هـذه الدول ، وقـد تنـاولت المفـاوضـات جولات يجـب أن نتحدث عنهـا في وقت لاحق .

و تسائل ابوزيد أيـن نحـن الأن منذ أوائـل عـام 2009، والي أيـن يجـب أن نتجـه وكيـف يمكن الرجوع لدعـم التقـارب بيـن دول الحوض. أمـل أن يكون للسيـد الوزيـر السـابـق أرائـه البنـائـة التي يقدمهـا الأن للمسئوليـن لتحريك الموقـف، والرجوع الى مائـدة التفـاوض . لقـد تشـرفـت بطلب من الأستـاذ الدكتور عصـام شـرف، رئيـس مجلس الوزراء، أن أسـاهـم في هـذا الملف الأن بمـا هـو متـاح لي من خبـره ، دعونـا بدلاً من أن نسترسـل في المـاضي أن نتجـه الى المستقبـل ومتطلبـات المستقبـل، ودعـونـا نصـلح مـاأفسدنـاه بأيدينـا حيـث أن نهـر النيـل في حيـاتنـا جميعـا، عشـرة دول يجـب أن يسودهـا التعـاون لمصلحـة الجميـع، وهو الأمـر الذي كـان قـد إجتمعـت عليـه دول الحوض ومرحبـاً بكل يـد تبني وتصلح ما أفسـده المـاضي.

<!-------start google Adsense--------->

وزير الدفاع ورئيس اركانه وهيئه قيادته

اخر ماعندى

تانى وتالت ورابع علشان الناس اللى مقرتش البوستات اللى قبل كدة , وعلشان الناس اللى قرت ومفهمتش , وعلشان الناس اللى قرت ونسيت , وعلشان الناس اللى مش عاوزة تقرا ولا عاوزة تفهم

وزير الدفاع ورئيس اركانه وهيئه قيادته مكونه من قادة قواته وقادة الجيوش والمناطق ومديرى الادارات والهيئات وادارة المخابرات الحربيه وجميع العاملين بها والمنتمين اليها , وجميع العاملين بادارة الشرطه العسكريه والتحريات العسكريه , وبهيئه القضاء العسكرى
كل الفئات دى تدين بولاء كاااااااااااااامل لمبارك ولنظامه السابق , ومن اكبرالمنتفعين بنظامه , ومن اقوى اركان نظام مبارك , وغير ممكن ولا وارد ان تتنازل عن ولائها دة للحظه , لانه بكل بساطه معناة الكشف عن فسادهم ودخولهم دائرة الحساب مع النظام ورحيلهم عن مراكزهم ...

هل من المعقول ان يضرب مبارك مصر بكل هذا الفساد طوال ثلاثين سنه ولا ينال الجيش منه شىء ؟
مع العلم ان الجيش اكبر مستهدف , اولا من مبارك لأنه كان يحسب ان الجيش هو القوة الوحيدة التى يمكنها الانقلاب عليه , ثانيا من امريكا واسرائيل ( آلهه مبارك ونظامه ) وانتوا عارفين ليه كويس .
ياسادة
الجيش ليس المدينه الفاضله
ولا حتى محصور الفساد
الفساد منتشر فيه زى اى مؤسسه اخرى ويمكن اكتر كمان
ومحدش يقول لى لأ اصله له طبيعه خاصه واصل دى مؤسسه حساسه
كلا ياسيدى الفاضل
قاعدة
فى عهد مبارك
كلما زادت اهميه المؤسسه كلما زادت نسبه الفساد فيها
واديكم شفتوا مخابرات عمر سليمان , ومش هقول مخابرات مصر
لأن اللى حصل خلال التلاته وتلاتين سنه اللى فاتت لم يكن مجرد حمله سرقه ونهب
لأ
دا كان مخطط تخريبى على اوسع مستوى , برعايه امريكيه واسرائيليه وبايدى مصريه
وكل مرشح لمنصب قيادى كان لابد عليه اولا ان يثبت ولائه وكفائته التخريبيه , وإلا........

ومع الاسف , الجيش اكبر مستهدف من المخطط دة مع فارق بسيط
التخريب فى اى مكان تانى يتم على عينك ياتاجر , وبشكل مفضوح , وبعض الجهات بيكون عندها من الجرأة قدر كافى ولو لمجرد التلميح عن التخريب دة , وان كان بينظر اليه خطأ على انه مجرد عمليه نهب وسرقه ..
اما المؤسسات المهمه , فكان الموضوع بيتم بشكل اسرع واكثر فعاليه وفى نفس الوقت خبيث ومستتر للغايه , لدرجه انه قد يغيب عن فهم نسبه كبيرة من العاملين بالمؤسسه نفسها ।
امثله :
- زكريا عزمى فى مؤسسه الرئاسه
- عمر سليمان فى المخابرات
- طنطاوى وعنان فى الجيش

وبالمناسبه
زكريا عزمى على صله وثيقه جدا بطنطاوى وكثيرا ماتدخل فى شئون الجيش , يعنى ممكن تسموة وزير دفاع مبارك رقم 2
باختصار
الجيش عبارة عن صورة مصغرة من مصر
بس الوانها فاقعه قوى
فيه ناس متحكمه فى كل حاجه ولها سلطات مطلقه , وطغيان بشع , سلطه , ونهب , وسرقه
بيحميهم اجهزة امنيه بالغه القسوة والشراسه , اكثر بمراحل من امن الدوله ,
وفيه فئات مغلوبه على امرها ومستضعفه من ضباط وصف وجنود , دول القاعدة العريضه , منهم اللى بيفتح مخه ويبوس الايادى علشان ينوبه من الحب جانب , ويمكن يوصل فى يوم , وفيهم اللى بيقاوم وبيقول لأ ودول بيروحوا ورا المجرة كلها ( ورا الشمس محفوظه لبتوع امن الدوله ) , وفيه اللى فى حاله وبيقول ياحيطه دارينى .

اللى حصل ايام مبارك انه صدرت اوامر اكتر من مرة بضرب وسحق المتظاهرين وفض التجمع فى التحرير
مرة صدرت اوامر للطيران بدك التحرير
مرة صدر نفس الامر للدبابات
مرة حاولوا يسدوا المداخل وفشلوا
مرة حاولوا يمشوا بنظام الاعتقالات الفرديه للنشطاء , ومحاوله منع الناس من دخول الميدان بترويج الاشاعات والترخيم على الناس اللى داخله , ومقدروش لان كثافه وضغط المتظاهرين كانت اكبر .

بس ربنا سبحانه وتعالى من رحمته انه جعل تدمير مبارك فى تدبيرة
مبارك جاب وزير دفاع مكروة على مستوى الجيش , وسام جيشه سوء العذاب على مدى عشرين سنه .
مبارك عمل كدة علشان ميكونش لوزير دفاعه شعبيه تمكنه من الانقلاب عليه مستقبلا , والوزير قبل بالدور , لأنه معندوش طموح فى الحكم , وراضى جدا بمنصب وزير الدفاع والرجل الاول ( القابع وراء الستار )

وكانت النتيجه ان طنطاوى لما اعطى اوامرة بالتصدى للثورة كانت النتيجه ان ضباطه اللى كارهينه اصلا ابتدوا يتمردوا عليه
ولما الطيارتين اياهم طلعوا التحرير علشان يضربوا المتظاهرين , بدات حاله من الجنون تنتاب القوات الارضيه : ايه الهبل دة , هما المجانين دول هيعملوا ايه ؟ دول هيضربوا البلد , يانهار اسود , هيضربوا البلد , دول مجانين رسمى .

وفى نفس الوقت القيادة الامريكيه جالها حاله من الجنون , والتليفونات اشتغلت , يامبارك , ياطنطاوى , بطلوا هبل , انتوا عاوزين تضربوا ملايين , قدام العالم كله , وبالطيران , وكمان بطياراتنا اللى اديناهالكوا معونه ؟! انتوا عاوزين تفضحونا قدام شعبنا , الشعب الامريكى متابع ومتعاطف بشدة مع الثورة المصريه , واعلامنا مقدرش يعتم عليها , اللى بتعمله دة يامبارك معناة الاطاحه بالحكومه الامريكيه , واحنا مش هنسمح بكدة , انتوا بكدة بتحرجونا وبتجبرونا نتدخل عسكريا , لو كررتوا الموضوع دة احنا هنتدخل عسكريا وبشكل فورى , احنا الثورة دى مش من مصلحتنا , ولا من مصلحه اسرائيل , بس المارد المصرى تخطى مرحله القمع , معنى انكم تعملوا كدة اننا هنكون قدام ايران جديدة , واحنا مش عاوزين نخسر مصر من جيبنا , اقمعوا الثورة , ولكن بالسياسه وبالمكر والخداع , انما بالدبابات والمدافع , احنا مش هنسكت , واديكم شايفين اغلبيه قوات جيشكم مع الشعب , بكدة الجيش لو خرج عن طاعه مبارك وطنطاوى واعوانه , تبقى مصر ضاعت من ايدينا وايديكم بشكل رسمى ....

والطيارتين فضلوا مستنيين اوامر الضرب والاوامر مجتش , لان الاتصالات شغاله , وتقارير التمرد نازله زى الرز عليهم , فقالوا خلاص , بلاش نضرب , نخلى الطيارتين تنزل لإرتفاع منخفض وتلف كام لفه , والشعب المصرى جبان , وهيطلعوا يجروا زى الفيران

بس بردة من رحمه ربنا ان الناس اصابها شىء من عدم الفهم , وظنوا أن دة اعلان تأييد من قوات المسلحه , لأن الناس مهما كان خيالها سوداوى مكنتش ممكن تتخيل ان مبارك ممكن يدى اوامر للطيران بضرب التحرير
بس دى الحقيقه
مبارك وطنطاوى واعوانهم داخل الجيش , لو كانوا يقدروا يبيدوا المتظاهرين مكانوش هيتاخروا للحظه عن كدة .
ولما الموضوع اتفضح , ادعوا زورا وبهتانا بأن فعلا مبارك اعطالهم الاوامر دى ولكنهم رفضوا واجبروة على التنحى لاحقا
الشطر الاول صح والشطر التانى كذب .

تانى حاجه
برضه ربنا خلا تدميرهم فى تدبيرهم
خطه التخريب والاضعاف اللى كان مبارك وطنطاوى بينفذوها خلال العشرين سنه اللى فاتت فى الجيش اضعفت قدرات الجيش التدريبيه والعسكريه بشكل كبير
فيه عساكر طول مدة خدمتها ممسكتش سلاح
وفيه اللى عمرة ماضرب نار
ودول نسب كبيرة
فما بالك لما تمسك عسكرى بندقيه وتقول له اقتل دة ؟
حتى لو عاوز يقتله مش هيقدر
لأنه مش مؤهل نفسيا ولافنيا لكدة
بالاضافه لانه مش دغف زى عسكرى الامن المركزى
بالاضافه لأن نسبه كبيرة منهم بتتخض اساسا من صوت الرصاص

لما طنطاوى بدأ يمد الامن المركزى بالذخيرة الحيه قبل انهيارة , والناس اكتشفت النقطه دى فى لحظات حرقوا عدة مدرعات وعربات جيش , هنا طنطاوى اقتنع ان الجيش مش هيقدر يتصدى للملايين دى
بالله عليكم
الدبابه تقدر تعمل ايه غير انها تخوف الناس
كتله حديد وزنها عشرات الاطنان
هتضرب الناس بالمدافع يعنى ؟؟
طيب , بالظبط كانك عاوز تصطاد مليون دبانه بشاكوش , تخيل الصورة هتكون عامله ازاى .
دا غير قدرة الدبابات المنعدمه على المناورة فى الشوارع والحارات الضيقه । , وامكانيه اعطابها بسهوله , لان دة ببساطه مش دورها , دى اله معدة لانتاج كميه عاليه من النيران بشكل متحرك وبتكتيك قتالى معين فى الاماكن المفتوحه ( الصحرا ).

ايه دا ياعم , انت عاوزنا نحارب االجيش , انت عاوز تخرب البلد

لأ ياسيدى مش عاوز , انا بس بوضح السيناريو اللى كان هيحصل لو كانوا استمروا فى مخططهم الاهبل اياة

---------

من هنا تحول المخطط ( بتعاون امريكى واسرائيلى ) الى محاوله نزع فتيل الاحتقان بإخفاء مبارك من الصورة
وفعلا
الناس فرحت وهيصت وهللت واللى زغرت زغرت واللى فرقع بمب و..............
والناس روحت
روحت ونسيت ان شعارها كان الشعب يريد اسقاط النظام .. مع الاسف
وتحكمت هيئه قيادة الجيش فى البلد بشكل تام , وبدأت سلسله من الاجرائات الاصلاحيه العقيمه ببطء شديد , لاقناع الشعب انهم مع الثورة , اما الاجرائات المهمه فمكانوش بياخدوها الا مضطرين , لما يحسوا ان الضغط الشعبى زاد , وسمعتهم بقت على المحك ومخططهم اصبح مهدد بالفشل .

طب الخطوط العريضه ايه ؟
اولا هحاول صرف جموع الشعب من البسطاء والعامه , بكدة اكون حيدت القوى الضاربه والفعليه للثورة المصريه
وبكدة اللى هيفضل على الساحه النشطاء والشباب , اللى هم وقود الثورة , وفتيل اشعالها .
على المستوى الاعلامى هاحسس الناس بان البلد بتغرق فى بحر من الفوضى , مع انك انا المتسبب فيه , بس هلمح ضمنيا وبشكل غير صريح , وسأوحى للجماهير بأن استمرار الثورة والتظاهر هما السبب
ايه عاوزين ايه تانى , الثورة خلصت خلاص , روحوا بيوتكم بقى

ولمن لاحظ , ان النظام كشف عن نفسه بغباء شديد تانى يوم تنحى مبارك بالمانشيت العريض اياة بتاع ( الشعب اسقط النظام )

هتبتدى شعبيه المجلس الاعلى ترتفع , مستغله تهذيب واحترام اغلبيه ظباط الجيش , اللى هما اصلا مقموعين داخليا , بس بما ان الناس مش هتقدر تفرز تركيبه الجيش من الداخل و فبالتالى الناس هتسقط اى تصرف نبيل من فئات شريفه داخل الجيش على الجيش ككل , وبالتالى على قائدة الشريف اللى هيفسروا مواقفه فى عهد مبارك بأنه كان رجل من قوم فرعون يكتم ايمانه

وهتبدأ شعبيه شباب الثورة فى الانخفاض , اولا امام الشعب , نظرا للحمله الدعائيه اياها , ثانيا امام الناشطين نفسهم بسبب مواقفهم المايعه والمتضاربه وانشقاقهم وطمع بعضهم للوصول لأى منصب مستقبلا , وطبعا دة سببه غسيل المخ والوسوسه اللى كانت بتحصل ايام لقائهم للمجلس بالساعات , مستغلين جهلهم وقله خبرتهم وعدم ادراكهم لتركيبه الجيش , وتقديم حسن الظن بقادة المجلس على الحذر .

اما داخل المؤسسه العسكريه , صغار ضباط الجيش بيتعرضوا حاليا لعمليه غسيل مخ بشعه اقوى بمراحل من الحمله الاعلاميه الموجودة على الصعيد المدنى والشعبى ,
ودى غرضها عمل حاله من الرفض والاستياء داخل صفوف القاعدة العريضه للجيش , بل وتصل لمرحله الكراهيه للثوار , واظن دة اصبح واضح جدا الاسبوع اللى فات ( الزناة والحشاشين )
والغرض من غسيل المخ دة ضمان ولاء قاعدة الجيش لقادتها اثناء تنفيذهم لخطه التصفيه الثوريه المرحليه اللى بتتم دلوقت بشكل ممنهج ومدروس وليس عشوائى
علشان الضباط تشارك وتتعاون , ومترفضش ومتتمردش زى ما حصل قبل مبارك ما يمشى

وبكدة هتكون الصورة كالتالى:
- شعب ناقم على شباب الثورة ومنفض عنهم , او على الاقل فاقد الثقه فيهم نظرا لمواقفهم المخزيه
- قيادة جيش شعبيتها فى السما
- شباب ناشط مضحوك عليه ومبلبل ومذبذب الرؤيه وبيخدم مخطط النظام من غير ما يحس

اما البند الاخير فهم اصحاب العقول الحجريه , اللى مبيتضحكش عليهم ولا بيتاكل بعقلهم حلاوة
منهم شباب ناشط
ومنهم ناس عاديه
ومنهم ناس كبيرة من القله اللى فشلت السياسه انها تلوثهم
ومنهم ظباط فى الجيش برضه

دول كلهم على بعض مش عدد كبير , ساعتها هتقدر الشرطه العسكريه والمخابرات الحربيه تتعامل معاهم وتمتصهم وتصفيهم بشكل تدريجى وفى غفله من الشعب وتواطؤ من الاعلام ( ودة اللى بيحصل دلوقت )

------------

موضوع ضرب الجيش للمتظاهرين واطلاق النار عليهم مش بالسهوله اللى الناس متصوراها
لان فيه منهم كتير متعاطفين مع الثورة , وحتى اللى مش متعاطف , فقله قليله هى التى يمكنها قتل ابرياء بدم بارد , وحتى لو وجد هؤلاء الخونه المنتمين للنظام والمتمتعين باعصاب فولاذيه , امامهم عقبه كبيرة جدا , الا وهى الخوف من المسؤليه , هتقولولى مش واخد اوامر , لأ ياسيدى الفاضل , الموضوع اكبر بكتير من كدة , اسمعوا مايلى :

الجيش عندة خطط للعمليات الحربيه , وخطط تانيه لادوار اخرى بيكلف بها الجيش على الجبهه الداخليه
مثلا فيه خطه للكوارث الطبيعيه الكبيرة واللى مش هتقدر مرافق الدوله تتعامل معاها وترفع اثرها عن المتضررين , ساعتها الجيش بيتدخل وبيساعد وله خطه بكدة ومحفوظه ولها اسم كمان وكل وحدة فى الجيش عارفه دورها ساعتها هيكون ايه

مش موضوعنا

موضوعنا بقى هو الخطه التالته , والمنوط بها ( التصدى لاعمال العنف والفوضى وحمايه الشرعيه الدستوريه وتأمين المرافق الحيويه الهامه )
دة هدف الخطه , اما باقى الخطه فكله عبارة عن اماكن تمركز وتحركات للقوات , مافيهاش اى حاجه تانيه

مش غريبه دى ؟!!

طيب الجمله اللى بين قوسين اللى هي هدف الخطه مش ملاحظين فيها شىء غريب ؟

طيب
المعنى الحرفى للكلام المكتوب هو ان فيه فئات معينه بتخرب البلد وبتحدث فوضى لخدمه اطراف خارجيه , واحنا كجيش دورنا نتصدى لهم ( معرفش ازاى لأنه مش متوضح فى الخطه ) ونأمن الشرعيه الدستوريه ( اللى هو الدستور والهيئات القضائيه وما شابه ) ونأمن المرافق الحيويه ( زى التلفزيون والمخابرات والوزارات ومحطات المياة والكهرباء ومحطات القطار وغيرهم ) من ان حد يحاول يخربهم , لأن دى املاك دوله

دة المعنى المباشر من الكلام
انما بقى اللى صاغ الكلام دة ثعبان وداهيه لغويه , لأنه وضع مصطلحات ممكن تتفسر بمعنى وبنقيضه فى نفس الوقت

مثال بسيط
الكلام دة اللى هقوله دة حصل سنه الفين وخمسه ايام المظاهرات الكبيرة اللى حصلت , واللى النظام كان مشلول جزئيا امامها بسبب الدعم الامريكى الجزئى لتيار الاصلاح
ايامها كان الامن المركزى لم يفشل ولا حاجه , بس فيه تقارير من جهات سياديه طلعت للرئاسه بتقول ان هناك احتماليه لأتساع دائرة المظاهرات المعاديه للنظام لتشمل قطاعات عريضه من الشعب ومن المحتمل عجز وزارة الداخليه حينها عن التصدى لها

كخطوة استباقيه , اجتمع مبارك مع وزير دفاعه واصدر تعليماته باعلان حاله الطوارىء فى بعض وحدات الجيش القريبه من القاهرة , ورفع درجه الاستعداد للخطه ..... وبالفعل اترفعت حاله الاستعداد والوحدات دى استعدت فعليا للتحرك بمجرد صدور الامر ( وكانت وحدات مدرعه بالمناسبه , دبابات يعنى )

طبعا ضباط الوحدات والقيادات الوسطى كانت بتتعامل مع الخطه بمعناها الحرفى , الطبيعى , الى ان حدث الموقف الاتى :
- فى صباح احد الايام صدرت تنبيهات متكررة من عدة جهات قياديه للوحدات دى بالتأهب واظهار اعلى مستوى من الاستعداد نظرا لقدوم لجنه من قيادات هيئه عمليات القوات المسلحه للتفتيش على تلك الوحدات

- بالفعل بعد حوالى نصف ساعه من الانتظار , ظهرت تلك اللجان وهى مشكله من قيادات ورتب كبيرة بالهيئه وتحركت بناء على تعليمات مباشرة من مدير الهيئه بتعليمات من وزير الدفاع نفسه

دخلت اللجنه وقامت بالتفتيش الفنى على القوات ومدى استعدادها للتحرك وبعد فترة , تم سؤال احد الجنود :

- ايه دورك فى الخطه كذا ... ؟
- اجاب الجندى بما هو مدون فى الاوراق : حمايه الشرعيه الدستوريه يافندم
- ايوة يعنى هتحمى الشرعيه اللى هى مين ؟
- ...........
- انت ياحضابط الشرعيه الدستوريه اللى هى مين ؟
- حمايه الدستور والمؤسسات القوميه .
- لأ , الشرعيه الدستوريه متمثله فى سيادة القائد الاعلى للقوات المسلحه , واحنا اقسمنا يمين الولاء له ( حقيقه , جميع خريجى الكليات العسكريه يقسمون يمين الولاء لشخص مبارك بلفظ : مخلصا لرئيس الجمهوريه ) .
- ...........
- اسمع يابنى منك له , احنا دورنا نحمى البلد من اى اعمال فوضى وتخريب , علشان كدة , لو الامن المركزى فشل فى السيطرة على الاوضاع , هتبتدى قوات من المشاة تنزل , لو فشلت هتبدأ الوحدات المدرعه تتحرك , هنبدأ نطلق قنابل دخان , ثم طلقات فشنك , وبعدين رصاص حى فى الهوا , بعدين هنبدأ نرمى قنابل صوت , لو فشلنا ساعتها هتبدأ الدبابات تسيطر على الميادين واماكن التجمعات الكبيرة وفى نفس التوقيت فيه وحدات من المشاة هتعتلى الاماكن العاليه حول اماكن التجمعات وهتبدأ تصطاد المحرضين على التظاهر , اللى هما مين ؟ اللى هما الناس اللى بيحرضوا المتظاهرين , ودول هتلاقوهم عادة هما اللى بيقولوا الهتافات والناس بتردد وراهم , او هتلاقوهم محمولين على الاعناق فى مقدمه التظاهرات , هنصيبهم بأعيرة ناريه فى الكتف او الساق كمرحله اولى , بعد كدة التصويب هيكون على الجبهه , فهمتم ؟
- ...........
- ( يلتفت للقادة ) ياحضرات لقنوا قواتكم , علشان يعرفوا ايه اللى هيعملوة بالظبط , احتمال قبل التحرك سيادة القائد العام يمر عليكم , لو سال حد ومعرفش هتكون مصيبه , اظن انتوا فاهمين كويس .
- يلتفت قادة الوحدات وعلى وجوههم ملامح التجهم الشديد ويشرعون فى تكرار ما قاله اعضاء اللجنه , بينما ينظر الضباط لبعضهم باستياء , وقد اصيب الجنود بحاله من التناحه وعدم التصديق ...

وعلى فكرة , الكلام دة انا مسمعتوش ولا حد حكاة ليا , انا شاهد عيان عليه....

ومن حسن الحظ ان الامور اتلمت سريعا ونجح مبارك عن طريق علاقته باسرائيل وبمناوراته السياسيه مع الغرب عن طريق تفريغ عدد كبير من مقاعد المجلس للاخوان , وبلجانه المتوافدة للولايات المتحدة باستمرار لرشوة اعضاء فاسدين من الكونجرس , نجح مبارك بكدة فى اجبار الولايات المتحدة على تركه وشأنه واطلاق يدة ليقمع التحركات الاصلاحيه بشكل كامل
وسيطرت وزارة الداخليه على الاوضاع , ولم تتسع رقعه التظاهرات , ولم تتحرك الوحدات المنتخبه من الجيش

وهنا السؤال
موضوع اقحام قوات الجيش فى الصراعات المدنيه كان امر مطروح بشكل متكرر منذ يوليو 52 والى الان
من هنا التفتت القيادة السياسيه والعسكريه لعمل خطه رسميه شأنها قمع التمردات الشعبيه فى حال فشلت قوات الداخليه فى السيطرة عليها , الا ان صياغه الخطه تمت بشكل مستتر بحيث الا تلاقى معارضه والا تظهر بشكل يدين النظام او يبدو منه انه يورط الجيش فى عمل ليس من اختصاصه

وهنا احب اقول سؤال بسيط
- لو حصلت احداث تمرد شعبيه بلغت درجه من الاتساع بحيث ان قوات الداخليه ( الاكبر عالميا ) فشلت فى السيطرة عليها , هل من المعقول ان يكون كل هؤلاء مخربين او عملاء للخارج ؟
- هل ممكن باى حال من الاحوال تكون الملايين من الجماهير غلط وحفنه من الاشخاص هما اللى صح ؟

اذن الخطه لا معنى لها بالاساس الا قمع الثورات الشعبيه وتأمين بقاء النظام , وهنا بتتحول معانى الكلام لتصبح كما يلى :
- الشرعيه الدستوريه = نظام الحكم القائم
- اعمال العنف = الثورة
- المخربين = الشعب
- المرافق الحيويه = مؤسسات انحرفت عن دورها والتفتت بشكل كامل لدعم النظام القائم زى ماسبيرو والمخابرات العامه وغيرهم

طيب
احتمال كبير ان حدوث مواجهات شامله بين قوات الجيش والشعب هينتج عنها ضحايا كتير , وبعد كدة احتمال اما ان الشعب ينتصر واما ان يبقى النظام , وفى كلا الحالتين هيكون المتورط فى اجرائات القمع مدان

ازاى؟

فى حال بقاء النظام هيكون مضطر لخفض الاحتقان الشعبى , علشان يتفرغ لحملاته الامنيه لتمشيط جيوب المعارضه بدون حدوث استياء شعبى قد يعيد المواجهات مرة اخرى.
هنا بقى مربط الفرس ,
النظام هيدعى انه برىء من قتل الجيش للمتظاهرين , وهيدعى ان نزول الجيش للشارع كان بغرض حفظ الامن وحمايه مرافق الشعب من التخريب , وانه لا علاقه له بأى اوامر صدرت بقتل المتظاهرين وان كلها تصرفات فرديه من بعض الخونه داخل الجيش اللى ارادوا قمع الشعب بغرض استغلال الفوضى الموجودة والانقلاب على الشعب وعلى النظام على حد سواء والاستيلاء عن الحكم .

وساعتها النظام هيستشهد بالخطه المذكورة وبنصوصها التى لا يأتيها الباطل من بين يديها ولا من خلفها , وهيقدم كبش فدا , وبكدة هيضرب عصفورين بحجر ,
اولا هيبرىء نفسه مما حدث ,
ثانيا هينزع فتيل الغضب ,
لأن العقل الجمعى عادة مبيفكرش بذكاء , حيث ان غضب الجماهير ضد من رفع عليهم السلاح هيكون اكبر من غضبهم ضد من اعطاة الامر بذلك ( خصوصا لو كان غير واضح فى الصورة ) , فبمجرد محاكمه او حتى اعدام عدد من صغار الضباط وبعض الجنود , الناس غضبها هيتلاشى وهينسى اغلبهم الهدف الرئيسى للثورة ويكتفوا بأن القاتل اخد جزاؤة .

فى حال طلع الشعب اكثر نصاحه , التضحيه هتكون اكبر , وهيبدأ النظام بالتضحيه ببعض القادة من الصف الاوسط , وقد يضحى ببعض كبار القادة , وممكن يضحى بالوزير نفسه بسهوله , لانه فى الحاله دى هيكون منبوذ على المستوى المدنى والعسكرى

النقاط دى محدش فاهمها غير ضابط الجيش الكبير , اللى عندة خبرة , العقر , اللى بيقرا كتير , واللى حضر وسمع عن قادته القدامى , وممكن الخبرات دى تنتقل لبعض قيادات الصف التانى الواعيين .

علشان كدة الناس دى حتى لو مواليين للنظام , وحتى لو عندهم استعداد لقتل المتظاهرين , بيصروا فى حال تلقيهم لمثل هذة التعليمات على ان تكون فى صورة امر كتابى محرر تفصيليا فى اوراق معتمدة وممضيه ومختومه من القائد الآمر , علشان وقت الحساب يقدر يدافع عن نفسه ويقول ماليش دعوة دى كانت تعليمات عليا

وبما ان هيكون فيه حساب , سواء بقى النظام او سقط , يعنى فى كلا الحالتين هيتحاكموا , فبالتالى مافيش قائد كبير عندة استعداد يحرر على نفسه ورقه زى دى توديه فى داهيه , فبيرفض , والظابط المتلقى بدورة بيمتنع لأن مافيش امر فعلى وصله , يعنى لو تم محاسبته بتهمه عصيان الاوامر , اول كلمه هيقولها ( بصياعه ) : هى فين الاوامر دى ؟ محدش قال لى حاجه
وبكدة هيمسك العصايه من النص وهيحمى نفسه من العقوبه الرادعه لعصيان الاوامر وفى نفس الوقت مش هيتورط فى مصيبه هيدفع تمنها غالى .
اتفهمت النقطه دى ؟

النقطه التانيه , امريكا لن تسمح بحدوث سيناريو ليبيا فى مصر , لان التركيبه الداخليه للجيش المصرى تختلف عن التركيبه القبليه للجيش الليبى , والشعب المصرى مختلف كما ونوعا وتركيبا عن الشعب الليبى , فاى مواجهه شامله بين الجيش والشعب ( كفرضيه ) هتنتهى فى ساعات بانضمام كافه قوات الجيش للشعب وانتصارة وتبقى فلول قيادات الجيش واجهزته الامنيه , ولو دة حصل مشروعيه الثورة وسقف مطالبها هيكون مالوش حدود , وبكدة مصر هتخرج تماما خارج دائرة السيطرة الامريكيه , وهتكون ايران جديدة , لكن ايران اقوى واخطر بكثير من ايران المشرق ....

------------

قيادة الجيش حاولت اكتر من مرة وبطرق مختلفه وفشلت للاسباب الموضحه
وفى كل مرة كانوا بيحاولوا يغطوا على نفسهم سريعا

- يوم الطيران نزل طنطاوى جرى على ماسبيرو وقعد يسلم على الناس والعساكر بشكل عبيط وبدون داعى , علشان يشتت انتباة الناس ويلفت نظرهم عن المصيبه اللى كانت هتحصل , وعلشان يمتص غضب القوات المسلحه , ويروج لشائعه ان الطيران دة كان مظاهرة جويه لتاييد الثورة ( دا على اساس ان مبارك كان فى مركز عمليات القوات الجويه ساعتها علشان كان عندة اسهال ومكانش لاقى دورة ميه ودخلوة مركز العمليات يفك زنقته )

ومحدش يقولى : اصلهم رفضوا الامر , طب طالما رفضوا الامر , دخلوة المركز ليه , كون ان رئيس دوله يعطى امر مباشر لجيشه بدك ملايين من افراد الشعب بالطيران , الا يكفى ذلك للقبض الفورى عليه واعلان عزله من منصب القائد الاعلى للجيش ؟
مش قاعدين بيضحكوا ويقهقهوا وجنبه حبيب العادلى بيزغزغ عنان , لا بلاش ياعداديلوا احسن انا بغير من الحته دى , وطنطاوى بيشاور لمبارك على المونيتور وبيحقق له اتصال مباشر صوت وصورة مع الطيارين

ولما اتفضحوا قالوا اصل بصوا .....هوة يعنى ... هو الكلام مظبوط بس احنا بحسنا الوطنى رفضنا واجبرناه على التنحى ( بعدها باتناشر يوم تقريبا )

وغيرة وغيرة مواقف تانيه كتير

------------

احنا فى الاول كنا مش فاهمين , بعدين بقينا بنسأل , وصلنا دلوقت لمرحله التبريرات ,
اة فيه ناس محسوبه على الثورة وبتبرر اخطاء المجلس العسكرى ,

اللى يقول اصله غشيم , لأ دا سمعه تقيل , اصله عندة الديسك , لأ دا عرق النسا بينقح عليه فى السقعه , اصله مبيسمعش اقل من مليون , اصله غلط ولازم يعتذر ويجيبلنا مصاصه , لأ دا هو بيقف فى صف الجانب الاقوى

ايه الهبل دة!!
جانب اقوى ايه اللى يقف فى صفه؟
طب طالما مبيسمعوش اقل من مليون , مسمعوش 12 مليون وهما بيقولوا الشعب يريد اسقاط النظام ليه ؟
ولما انتوا بتتحايلوا عالمجلس علشان يعتذر عن قتل وتعذيب وسجن متعمد لمتظاهرين , طب ليه مش قابلين الاعتذار من الوزارة الوسخه التانيه ,
ايه ام الشيزوفرينيا دى ؟
ولا لازم يتقتل اكتر من الف واحد علشان تبتدوا تتقمصوا وتاخدوا على خاطركم ؟
بالذمه دا كلام ناس عاقله او عندها ذرة إدراك؟

وصلنا لمرحله اننا اصبحنا بنبرر الاعتدائات على الثوار !!!!
واللى يرفض ويقول لأ نقمعه فكريا ونتهمه بالخيانه وبعدم الفهم وعدم القدرة على قراءة الوضع الحالى !!!

دا عته رسمى
دا كلام ناس مغيبه تماما , مش عاوز اقول مصطلح تانى


اكيد المجلس الاعلى سحرلهم , انا شفت ورق السحر بنفسى مع الشيخ حسان لما دخلنا مقر المجلس الاعلى وبصينا جوة السيفون


--------------


بالنسبه لاخوانا السلفيين
اللى انا شخصيا انتميت اليهم فى يوم من الايام وانتقلت من اقصى اجنحتهم تطرفا لاكثرها اعتدالا , ومن اكثرها جمودا لأوعاها تعقلاً وادراكاً

المجلس العسكرى ( ممثل نظام مبارك حاليا ) ترك لهم الحبل على الغارب وافرد لهم الساحه واخرج معتقليهم .
والناس فرحانه
مش قادرين يفهموا انه بيلعب معاهم نفس اللعبه الوسخه اللى السادات لعبها فى السبعينيات
بس على نطاق اوسع
داخليا عاوزين يستغلوهم علشان يقشوا كل الكروت فى الشارع , ويستغلوا شعبيتهم فى اخراس ومحو اى اثر للثوار
وخارجيا عاوزين يوصلوا للغرب رساله معينه ( اعتقد انتوا عارفينها كويس )

الا بالمناسبه , هو دة اسلوب مين ؟؟؟

ما علينا
الواضح ان اغلبيه الاخوة السلفيين منقادين وراء زعماؤهم الدينيين بدون ادنى تفكير
والسادة رجال الدين السلفيين , نصهم مخدوع وسرقاة السكينه , والنص التانى ( فاهم شغله كويس , وعارف مصلحته مع مين ) وغطس امن الدوله , يبقى خلينا مع المجلس العسكرى , وبلاها ناديه خد سوسو

اما بقى اللى عندة بقيه من ماء الوجه او شىء من الشرف مقرون بشىء من الوعى , فدول ملهمش مكان فى الساحه ولا على التلفزيون المصرى
مش عارف ليه الناس دى مش بتتعلم من اخطائها
مش عارف ليه مش عاوزين يفهموا قواعد اللعبه
ولا شكلهم هيفهموا ولاهيتعلموا


------------------


انا لا ادعوا للدخول فى مواجهات مع الجيش

ولا اهاجم الجيش

انا لا اهاجم الجيش

تالت مرة انا لا اهاجم الجيش ولا اطعن فى نزاهته كمؤسسه

انا بفرق بين قيادات فاسدة بتدعمها اجهزة امنيه وبين قاعدة عريضه واغلبيه شريفه

اللى كان بيقول على اللى بيهاجموا مبارك ونظامه انهم كدة بيهاجموا وبيشوهوا صورة مصر
يبقى يقول للى بيهاجم طنطاوى واعوانه واجهزته الامنيه انهم بيهاجموا وبيشوهوا صورة الجيش

مش كدا برضه ؟

ولا احنا بنفكر ازاى ؟؟


---------


انا لا ادعوا للدخول فى مواجهات مباشرة مع الجيش ولا بتنطط عليه , لانه ببساطه ...... ابويا

الفوارق شاسعه بين قاعدة الجيش المصرى واهل قمته هم ومن يعاونهم من اجهزة امنيه عسكريه , وان مواجهه هؤلاء لا تعنى الدخول فى مواجهه مع اهل القاعدة , لانهم ببساطه متضررين من هؤلاء الفاسدين زيهم زى الشعب ماكان متضرر من امن الدوله ومبارك واكتركمان .

وكلمه اخيرة هقولها
الثورة دى عمرها ما هتنجح فى تحقيق اهدافها بشكل فعلى وكامل , ولا هتتخلص من محاولات الاجهاض والالتفاف , طول ما الناس دى فى السلطه وطول ما اجهزتهم الامنيه فعاله .


------------


فياريت محدش يطلع يقول طب ما احنا اخدنا حاجات كتير ولسه هناخد , مافيش مانع من بعض التنازلات , ونص العما ولا العما كله
لهؤلاء اقول :
مش من حقك تطلب حاجه زى كدة

لما الشهيد اللى اتهرس تحت عربيه
ولما اللى اندفن فى مناطق مجهوله
ولما اللى اندفن بالحيا فى سجن لسنوات
ولما اللى اتعذب واتهان
ولما اللى اصيب بعاهه
ولما اللى عندة ابن او اخ شهيد او مصاب

لما كل دول يرضوا بكدة ويقولوا ماشى
ساعتها ابقى تعالى اتكلم
واعتقد ان كل اللى ماتوا يوم 28 وقبلها وبعدها مكانش عندهم استعداد يتنازلوا عن جرام واحد من مطالبهم , معتقدش ان روحهم كانت رخيصه عندهم بالشكل دة .

اللى غيرك اشتراة اشتراة بدمه وبروحه , فمش من حق سيادتك ان تبيع مالاتملك لمن لا يستحق


----------------


وياريت بلاش الدعوات التثبيطيه بان الشعب بيعتبر المشير مثل اعلى
مافيش واحد دخل الجيش واعتبر المشير مثل اعلى , اللهم عدا الاخوة جنود الشرطه العسكريه والمخابرات اللى شافوا فى عهدة عز مشافوهوش قبل كدة , بالظبط زى ما امن الدوله بتقدس مبارك والعادلى , اللى شافوا فى عهدهم عز مشافوهوش قبل كدة , وعدا الاخوة اللى مدخلوش جيش اصلا , طبعا وعدا الاخوة المغفلين اللى مفهموش حاجه ولا عمرهم هيفهموا , ودول هتلاقوا اغلبيتهم من حزب الكنبه .


------------


اعتقد ان اللى عملناها دى ثورة تاريخيه بكل المقاييس وغير مسبوقه
معتقدش ان التجمعات دى حصلت بالشكل دة قبل كدة
احنا فعليا صدمنا العالم كله بمشهد ملايين من المواطنين العزل اللى اجتمعوا فى التحرير
امال لو نزل معاهم المتعاطفين اللى قاعدين فى بيوتهم يتفرجوا عالجزيرة هيحصل ايه ؟

حرام عليكم

تخلصوا بقى من روح سلم النقابه دى

انتوا خلاص

مش عارفين تتخلصوا من ام روح العبوديه دى ؟

دى ثورة ياحاج منك له مش وقفه احتجاجيه

دا انتوا ايام جمع مبارك المليونيه لو كنتوا دبدبتوا على الارض فى خبطه واحدة والله العظيم كنتوا عملتوا زلزال

لما العالم كله يحس بقيمه وبحجم وقوة الثورة المصريه عدا المصريين نفسهم , دة يبقى اما غباء او خيانه

دى مسخرة


------------


الف باء ثورة:
اللى بينزل الشارع علشان يعمل ثورة
بيعمل حسابه على حاجتين
اما انه يحقق كافه مطالبه
او يموت
مافيش ثورة بتساوم
مافيش ثورة بتفاوض
دة اول الضعف
اول الفشل
اول الانهيار

اللى بينزل دة عارف هيواجه ايه
وعارف انه ممكن يواجه حاجات مكانش متوقعها
بس فى النهايه
اسوأ ما يمكن ان يحدث له هو ان يموت
وبالتالى فهو مستعد لمواجهه اى شىء قى سبيل حريته
مينفعش ييجى عند مرحله يقول لأ خلاص
كفايه كدا
مايقدر عالقدرة الا ربنا
يلا نروح
ونبدأ مفاوضات
ووقفات احتجاجيه
وجمع توقيعات

اهالى المحله عملوا كدة سنه2008
بعد مادوخوا قوات امن مركزى من خمس محافظات
والنتيجه ان اتنكل بيهم شر تنكيل
ولسه فيه منهم لغايه دلوقت ناس فى السجن
وكل اللى كسبوة
ان مدخل المدينه اتسفلت واندهن
وعملولهم جونينه كبيرة برة البلد
ورموا ماسورة صرف جديدة فى الشارع الرئيسى

انتوا بقى
عاوزين كدة ؟
عاوزين مصر تبقى كدة

محدش يقول لى السياسه بتقول
احنا لو كنا بنحسبها بالسياسه
مكناش نزلنا وحنا عزل يوم 28 ووقفنا قصاد اكبر قوة امنيه فى العالم

لو حسبناها بالسياسه مكناش دخلنا فى صدام مباشر مع واحد من اقوى الانظمه الدكتاتوريه فى العالم واقواها على الاطلاق فى الشرق الاوسط كله

الناس اللى ماتت دى اغلبها مالوش فى السياسه ومشى وراكم علشان صدقكم وكان حاسس بالقهر والذل
مكانش عندهم سقف ولا حدود
وثق فيكم ومات وهو مستريح لانه واثق ان فيه ناس وراة هتكمل مشوارة وهتجيبله حقه

تيجوا دلوقت تطلعوا لسانكم لارواحهم !
تيجوا دلوقت وتقولوا كفايه كدة , ميقدر عالقدرة الا ربنا !
خلاص محناش لاعبين!
اصل المجلس العسكرى مفترى وايدة طارشه !

عاوزين تعرفوا انتوا بقيتم فين , وايه الصح من الغلط , بصوا لتونس , وبصوا لليبيا , وانتوا تعرفوا انتم بقيتم فين

هاتولى واحد محترم فى تاريخ مصر نادى وقت الغليان الجماهيرى بالهدوء واعلاء صوت العقل والحكمه ( بتوعهم مش بتوعنا ) وترك السياسه تاخد مجراها

عمر السياسيين ماقاموا بثورات
الثورات بيقوم بيها المناضلين , والمناضلين المجانين اللى احلامهم ملهاش سقف
وشتان بين السياسى والمناضل
واديكوا شفتوا السياسيين المحترمين , اللى مضموش على الشعب الا بعد ما تحققوا ان الغلبه له

ياسادة ياشباب يامناضل ياللى نزلتوا يوم 28
مينفعش دلوقتى تبقوا سياسيين
مافيش مناضل تحول الى سياسى وفلح فى السياسه
فى الاخر بيتسك على قفاة
ويلاقى نفسه من غير ما يحس بقى عميل فعلى للنظام
ولما بيفكر يرجع تانى لصفوف المناضلين مبيعرفش
لأنه بيكون منبوذ
منبوذ وفاقد للمصداقيه
وبيبقى زى اللى رقصوا عالسلم
لا اللى فوق شافوهم
ولا اللى تحت سمعوهم
وساعتها
مبيبقاش قدامه الا حاجه واحدة
انه يتحول الى كلب
كلب للنظام .

فياريت السادة ( المتسيسين ) يفكروا شويه , ولو حسوا انهم مش فاهمين يبقى السكوت نعمه , بدل ما يخربوها ويقعدوا على تلّها .

بدل ما انتوا عمالين تخبطوا حبه شمال وحبه يمين وحبه فوق وحبه تحت , وزحمه يادنيا زحمه , ومش راسيين لكم على بر ودماغكم صرمه قديمه ومش عاوزين تواجهوا الحقيقه يبقى تسكتوا

اسكتوا يرحمكم الله

اسكتوا الله يرحمكم

لو فضلتوا كدة
ولو الثورة دى فشلت لاقدر الله
ساعتها متعملوش عبط وتقولوا ملناش دعوة
مش احنا السبب
اصل بتوع الائتلاف هما اللى خربوها
اصل الحكومه
اصل الموضوع كان اكبر مننا واحنا اتسندنا على حيطه مايله
لأ دا احنا انضحك علينا
اصل المجلس سقانا حاجه اصفرا فى كبايه اخضرا وقال لنا تعالوا لما اركبكم الاوتوبيس

لأ
ياسيدى الناشط
يا اختى الناشطه
انتوا السبب
انتوا السبب
واتمنى ان يكون عندك الشجاعه الكافيه لمواجهه الحقيقه دى لو الثورة فشلت لاقدر الله , وتصحا كل يوم الصبح تبص فى المرايه وتقول فى سرك :
انا خيبت امل شعب
انا دمرت ثورة
انا ضيعت دم مئات الشهدا فى اقرب بلاعه
انا اهدرت حقوق الالاف
انا السبب فى خراب بيت وتضييع مستقبل الاف من زهرة شباب مصر
انا ولادى وولاد ولادى وولادهم من بعدهم هيتفوا عليا

هتقدر تتعايش مع كدة ؟؟؟


------


اخر كلام
سيبكم من عمرو مشتاق ولا البرادعى فى انتخابات الرئاسه, مش وقته دلوقت
المجلس العسكرى لازم يسلم السلطه كامله لمجلس مدنى فى اسرع وقت
لازم الاجهزة الامنيه العسكريه تنسحب من الشارع فورا
لازم كافه المعتقلين السياسيين يخرجوا فورا
لازم اللى اتورط فى المسخرة اللى بتحصل للناشطين دى يتحاسب علنا ايا كان
لازم الدستور القديم يتلغى فورا , والتعديلات دى شربه خروع وطبخه حمضانه
ومتيخيرنيش بين انى اكل طبخه حمضانه او اموت من الجوع , انا عامل ثورة , انا اللى ادى الاوامر مش طنطاوى .
امن الدوله يتحل رسمي وتماما بالشكل اللى قلت عليه فى بوستات فاتت
قتله الداخليه يتحاسبوا فورا ....كلهم .

محدش يقولى احنا معدناش بالقوة اننا نجبر المجلس على تلبيه الطلبات دى حاليا
والله انتوا اللى اضعفتوا نفسكم وفضيتم الناس عنكم بسبب غبائكم
وانتوا اللى تتحملوا مسئوليه الوضع دة
وانتوا اللى ملزمين تغيروة


---------------------


انا مش عميل ولا منتفع
واظن يعنى انى مش طالب شهرة , واعتقد انى مظهرتش علنا ولا حد يعرفنى ولا اسمى اصلا احمد زفت سعيد ولا بطلع على التلفزيون ولا بدى تصريحات لوكالات الانباء ولا عمال اهندس فى تيارات وائتلافات وحركات ما انزل الله بها من سلطان

واظن ان مش من مصلحتى اقول كلام زى دة فى توقيت طنطاوى مكلبش فيه عالبلد واحتمال فشل الثورة او على الاقل الالتفاف عليها اكبر بكتير من احتمال نجاحها

واعتقد ان مش هيكون عندى استعداد اعرض نفسى للخطر فى الوقت المنيل دة , ونا عارف كويس ان محدش هيسمى عليا ولا حد هيسأل فيا ولا يدافع عنى , واخرتها هيتقال عليا مخبر امن دوله , او بلطجى
الا لو كان عندى هدف اهم , وكنت خايف بجد على البلد دى ويهمنى امرها

وعارف انه مش من العقل ولا من الفطنه ولا من الكياسه انى اقول الكلام دة دلوقت ,
وعارف برضه انى كان ممكن اوصل وجهه نظرى بشكل اسرع واقوى لو كانت صيغه كلامى اقل حدة وتطرفا واكثر التفافا ودبلوماسيه

بس تقولوا ايه بقى فى واحد مجنون
دا بالاضافه لانى مش فارقه معايا , لانى اساسا ميت من حداشر سنه
يعنى مجنون وكمان ميت

وعلى اى حال
اى مكروة بيحصل او هيحصل للى بيقول كلمه حق , هتكون مسئوليته وذنبه فى رقبه كل من تخاذل وخدع الناس وروج للنظام وخدمه من غير ما يحس وثبط الناس وفطس الثورة , وشتتها بأراؤة اللوذعيه , ووصل الثورة للوضع المقرف دة ووصلنى انا شخصيا انى اقول كلام زى دة , ونا بحمله مسئوليه كل دة امام الله وامام ضميرة

واهلا بكم فى اجواء 1954


واحب اقول ان كان نفسى
نفسى
اغير خلفيه المدونه
مش عارف ان كان هييجى عليا اليوم اللى اغيرها فيه ولا لأ .




بسم الله الرحمن الرحيم
قل هل ننبئكم بالاخسرين اعمالا *الذين ضل سعيهم فى الحياه الدنيا وهم يحسبون انهم يحسنون صنعا*
صدق الله العظيم



خلاص انا معنديش كلام تانى اقوله

الا قد اُعذرت
الا قد بلغت
الا قد بلغت
الا قد بلغت
اللهم فاشهد

============================

انا وغيرى كنا فى الشارع ل 9 مارس و الكل تركنا لوحدنا ووقف يتفرج واحنا بننضرب و بنتسحل و بنتعذب

من المجلس العسكرى الكذاب و بناخد من 1-5 سنين حبس بحكم عسكرى بدون محاكمة ولا دفاع -

هى الناس فاكرة الثورة معلش نشطب بدرى بس علشان الدنيا برد وفيه ماتش الاهلى وكدة - بعد ما مشينا و تركنا الشارع

خرجت الامور من ايدينا خلاص - البشوات اللى مش فاضيين غير للفضئيات هما اللى ضيعوها .. ايه خلاص

اتفقوا على نصيب كل واحد من الكعكة!؟ . كانت فى ايدينا وكان بايدنا كللللللللللل شئ لغاية ما مشينا من التحرير بعد كدة المجلس بقى يرمى لنا الفتات و اجهضها وانتهى- كل ثورة وانتم طيبين ابقوا خلوا الفضئيات و

الرغى ينفعكم
بعد قليل ارسل تقرير مفصل موثق وكامل صوت وصورة عن كيف عذب الجيش النشطاء وحكم عليهم باحكام عسكرية مشددة
عندما اقول الجيش هنا اقصد القادة الكبار والمجلس العسكرى المتحكم بزمام الامور وليس الجيش باكمله طبعا
زى ماكنا بنقول مصر عملت ونقصد الرئيس المخلوع هو وحكومة الحرامية بتوعة

أرجوك لا تبكى

أرجوك لا تبكى

قصه تقطع القلب

أكتب إليك بعد مرور ثلاثين عاما من فاجعتي، ودعني سيدي أقص عليك مشكلتي من بدايتها.

أنا الابن الأصغر لأحد رؤساء مصر السابقين، وقد حكم أبي مصر لفترة وجيزة لا تتجاوز ثلاثين عاماَ، وقد تنازل أبي عن الحكم برغم إلحاح الشعب على بقاءه، ولكن صحته لم تكن لتساعده، وتحت إلحاح الجماهير اقترحت أمي أن أتولى أنا الحكم من بعده. وهنا تقدم كل من أنكل سرور وصفوت وعزمي بالنصح لي ولأسرتي في محاولة منهم على إجباري تولي الحكم، ولم أكن أرغب في ذلك، ولكنني رضخت لطاعة الأب والأم، هكذا أخلاقنا وتربيتنا، ووافقت على مقترح التوريث.

مضت الأيام سيدي، وأنا وأمي نساعد والدي في الحكم، فقد كان أبي متوسط الحال لا يملك من الدنيا شيء سوى قطعة أرض تمتد من البحر المتوسط شمالاً حتى السودان جنوباَ، ومن البحر الأحمر شرقاَ حتى ليبيا غرباَ، وكنت أنا وأبي وأمي وأخي راضيين بما قسمه الله لنا، بالرغم من أن 85 مليون نسمة كانوا يدعون ملكيتهم لقطعة الأرض ويتنازعون الملكية معنا، إلا أن أنكل حبيب العادلي، وهو رجل طيب لم يرض لنا بالظلم، حسم المسألة وأعاد لنا قطعة الأرض، وسارت الأمور على نحو طيب طوال الثلاثين عاما ولم يعكر صفونا شيء.

كان والدي يعود في المساء متعباَ من الحكم، وكنا ننتظره لتناول العشاء سوياً، وكان يعود كل ليله وعلى وجهه بسمة وبجيبه بضعة مليارات هي حصيلة يوم عمل شاق، وكان يعطي ما في جيبه لأمي، وكانت أمي الطيبة تدعو له بسعة الرزق.

ولم تكن أمي أسعد حالاً من أبي، فقد خرجت هي أيضاً لتعمل وتعين الأسرة على معاشها، وكانت تخرج في الصباح لتفتتح جمعية خيرية، أو مؤسسة اجتماعية، أو ترأس اجتماعا وزاريا، وكانت تعود بما قسمه الله لها من بضعة مليارات تضعها مع أجر أبي اليومي في دفتر توفير بريدي في سويسرا لتؤمن به مستقبلنا.

وكان أبي رجلاً صالحاً، فهو لا يذهب للنوم إلا بعد أن يشاهد صلاة العشاء بالتليفزيون، وكذلك باقي الفروض.

وأتذكر سيدي بينما كنت طفلاً في التاسعة، أن أًصبت بحمى وقلقت أمي واستدعت طبيب الأطفال وهو الدكتور حسين كامل بهاء الدين، وبعد الكشف وضع أبي يده في جيبه ليدفع أتعاب الطبيب، وأحمر وجه أبي خجلاً، فلم يكن بجيبه جنيهات مصرية ليدفع للطبيب، فكل ما في جيبه عبارة عن عمولات أجنبيه وبضعة مليارات. وهنا تداركت أمي الموقف وتصرفت بلباقة، وقالت لأبي: لا بأس سوف أتصرف..

وهرعت أمي لغرفة المكتب وأحضرت ورقة وقلماً وأصدرت قراراً رئاسياَ بتعيين الدكتور حسين كامل بهاء الدين وزيرا للتعليم لمدة 20 عاما بدلاً من العشرين جنيه أتعاب.

وهنا تبسم أبي الطيب وربت على يد أمي الطيبة وقال لها: ما شاء الله على حكمتك يا سوزان، ربنا يسعدك وينصرنا علي شعب مصر. .......

شكر لمحرر الاهرام الملهم تامر اسامه سرايا

عملية "فجر أوديسا " ضد القذافي

أعلن عدد من الدول مشاركتها في العمليات العسكرية في ليبيا كجزء من عملية "فجر أوديسا،" التي تهدف إلى فرض قرار حظر الطيران الذي اتخذته الأمم المتحدة، وتاليا تفصيل مساهمات تلك الدول:

بريطانيا العظمى:

يوم الأحد، قال الجنرال جون لوريمر، المتحدث باسم وزارة الدفاع البريطانية، إن القوة البحرية البريطانية بما في ذلك غواصة وسفينتين حربيتين تشارك في العلميات.

ويوم السبت، شاركت أربع طائرات تورنادو في الغارات الجوية على ليبيا. وقال وزير الدفاع البريطاني ليام فوكس إن القوات الجوية الملكية نشرت طائرات تورنادو GR4 السريعة، والتي حلقت 3000 ميلا من المملكة المتحدة والعودة، وهو أطول مدى نفذته القوات منذ حرب الفوكلاند عام 1982.

الولايات المتحدة الأمريكية:

19 طائرة حربية أمريكية، بما في ذلك طائرات فيلق البحرية من طراز هارير، ومقاتلات الشبح بي 2 التابعة لسلاح الجو، وطائرات أف 15 وأف 16، والتي أجرت عمليات قصف صباح الأحد في ليبيا، وفقا للفتنانت كوماندر جيمس ستوكمان من القيادة الأمريكية بأفريقيا.

وقال نائب الأميرال وليام جورتني إن قطعا أمريكية وبريطانية من السفن والغواصات أطلقت أكثر من 110 صواريخ كروز وتوماهوك وأصابت نحو 20 هدفا دفاعيا ليبيا في الأجزاء الغربية من البلاد.

إيطاليا:

وفقا لوزارة الدفاع الإيطالية، أعلن وزير الدفاع إغنازيو لا روسا أنه اعتبارا من منتصف ليل الأحد، فإن إيطاليا ستساهم بثماني طائرات حربية مع قوات التحالف لاستخدامها عند الحاجة. هذه الطائرات تشمل أربعا من طراز تورنادو، وأربعا من طراز أف 16.

دولة قطر:

قالت وزارة الدفاع الفرنسية إن قطر وفرت أربع طائرات ميراج 2000-9 سيتم نشرها.

كندا:

وصلت سبع طائرات هورنيت سي أف 18 كندية إلى قاعدة تراباني العسكرية في صقلية بهدف "التحضير لمهمة محتملة الليلة،" وفقا لما قاله المتحدث باسم القوات الكندية الميجور جيم هاتشيسون الأحد.

وقدمت كندا أيضا طائرتين من طراز بولاريس للتزويد الجوي بالوقود، والتي من شأنها أن تسمح لطائرات سي أف 18 بالخروج في مهام تتراوح مدتها بين أربع إلى ست ساعات.

أسبانيا:

قالت وزارة الدفاع الأسبانية إنها أرسلت اربع مقاتلات من طراز أف 18 وطائرة التزود بالوقود إلى قاعدة ديسيمومانو في سردينيا للمشاركة في العملية بليبيا الأحد. وقال مسؤولون إنه سيتم أيضا نشر فرقاطة من طراز أف 100 وغواصة أس 74 وطائرة مراقبة بحرية.

فرنسا:

قصفت القوات الفرنسية وأصابت أربعة دبابات لقوات القذافي، وفقا لوزارة الدفاع الفرنسية، لكنها لم تفتح النار يوم الأحد لأنه ذلك لم يكن ضروريا. وقال مسؤولون إن بعثات الاستطلاع الفرنسية حلقت بنجاح فوق ليبيا هذا الصباح.

كما غادرت حاملة الطائرات الفرنسية شارل ديغول ميناء طولون، ومن المتوقع أن على متنها 15 طائرة مقاتلة.

بعض الطائرات المستخدمه في هذه العملية

الطائرات البريطانية

تايفون- يوروفيتر

المقاتلة تايفون أو إعصار هي طائرة رشيقة تستخدم بشكل خاص في حال وقوع معركة في الجو وقد صممت الطائرة طبقا لمعايير وضعتها بريطانيا وألمانيا وايطاليا لتحل محل المقاتلة من طراز تورنادو.

وتتميز المقاتلة بتكنولوجيا الشبح التي تتيح لها الافلات من أجهزة الرادار وتحمل الطائرة صواريخ متوسطة المدى وقصيرة المدى من طراز جو- جو كما أنها يمكنها حمل صواريخ لاستهداف مواقع على الأرض.

ودخلت تايفون الخدمة في سلاح الجو الملكي البريطاني عام 2003 ولها قواعدها في لينكونشير وقاعدة جوية في اسكتلندا.

تورنادو

تعد المقاتلة تورنادو أحد أهم الطائرات الرئيسية المستخدمة في سلاح الجو الملكي البريطاني ودخلت الخدمة أول مرة عام 1980 واستخدمت الطائرة في فرض منطقة حظر جوي على العراق.

تقوم الطائرة بدور هجومي بشكل أساسي واستخدامها في العملية العسكرية الحالية قد يدفع القوات الليبية إلى استخدام أنظمة صواريخ مضادة للطائرات.

وتحمل الطائرة صاروخ "ستورم شادو" الذي يتميز باستهداف مواقع بعيدة المدى وبدقة داخل المواقع الحساسة والفعالة داخل الأراضي الليبية.

كما تزود الطائرة تورنادو بصواريخ " برايمستون" المضادة للدروع ولا تتأثر بحالة الطقس ويمكن استخدامها في عمليات استطلاع ليلية أو نهارية.

نمرود

الطائرة من طراز نمرود آر 1 هي طائرة استطلاع في المقام الأول ويتوقع استخدامها في العمليات العسكرية على ليبيا.

وتستخدم الطائرة في عمليات الاستطلاع وجمع معلومات استخباراتية وتتميز بأن لها القدرة على الطيران ببطء لمدة طويلة ويمكن إمدادها بالوقود في الجو.

سينتينل

يتوقع أن تستخدم بريطانيا طائراتها الاستطلاعية من طراز سينتينل آر 1 في عملياتها العسكرية وهي طائرة استخدمت في أفغانستان.

وتزود الطائرة بأجهزة رادار ومراقبة تستخدم لتعقب وملاحقة قوات العدو البرية.

ومن المتوقع أن تخرج الطائرة من الخدمة بسلاح الجو البريطاني بعد انتهاء العمليات العسكرية في أفغانستان.

الطائرات الفرنسية

داسو رافال

طائرة داسو رافال الفرنسية هي طائرة متعددة المهام، وهي طائرة بمحركين قادرة على شن هجوم على قوات برية وتدخل ضمن أنظمة الدفاع الجوي ولها القدرة على القيام بعمليات استطلاع.

وتعد الطائرة داسو رافال الدعامة الرئيسية للقوات الجوية الفرنسية وتنطلق من على متن حاملة الطائرات تشارل ديجول.

والطائرة مزودة بنظام رادار متطور يمكنها من رصد وتتبع ما يصل إلى ثمانية أهداف في وقت واحد وإنشاء خرائط ثلاثية الأبعاد.

ميراج 2000

طائرة ميراج 2000 هي طائرة أخرى لها أدوار متعددة في سلاح الجو الفرنسي ودخلت الطائرة الخدمة في عام 1982 وتم تحديثها في نهاية الثمانينات لسد الفجوة قبل أن تدخل الطائرة داسو رافال الخدمة.

ميراج اف 1

طراز قديم من الطائرة من نوع ميراج ودخلت الخدمة في عام 1983 وتزود الطائرة بنظام متخصص للاستطلاع وكاميرات وأجهزة استشعار بصرية والكترونية.

الطائرات الكندية

سي اف 18 هورنيت

هي طائرة ذات استخدامات متعددة وتلعب دورا رئيسيا في سلاح الجو الكندي بسبب قدرتها على المساندة التكتيكية.

ودفعت كندا بست طائرات من هذا النوع لفرض منطقة حظر الطيران على ليبيا والطائرة مزودة بنظام رادار متطور يمكنه تعقب الأهداف دون التأثر بحالة الجو وعلى مسافات كبيرة كما أنها مزودة بكاميرا تعمل بخاصية الأشعة تحت الحمراء تسهل على قائدها رصد الأهداف حتى مع انخفاض مستوى الرؤية.

أنواع الصواريخ

توماهوك كروز

يبلغ طول الصاروخ 20 قدما وسرعته تبلغ 700 ميل في الساعة ومداه يصل إلى 1000 ميل ويطير الصاروخ على مسافة قريبة نسبيا من الأرض يمكنه من مباغته أنظمة الدفاع الجوي.

صمم الصاروخ في الأصل لحمل رؤوس نووية ولكنه أثبت فعاليته في حربي الخليج ضد الرئيس العراقي السابق صدام حسين كما استخدم لضرب الأهداف الصربية في حرب البوسنة وكان محملا بمتفجرات تقليدية.

ويستطيع الصاروخ حمل نصف طن من المتفجرات لاستهداف المواقع والبنايات الخرسانية الصلبة.

لتكون ليبيا أيضا "بلد المليون شهيد

عاجل جدا | مؤكد : منظمة اليونسكو تحذر من المساس بالقذافي باعتباره مخلوق نادر مهدد بالانقراض وتدعو إلى نقله إلى محمية طبيعية هو وملابسه

القذّافي:

الجزائر ليست أفضل منّا ليكون إسمها "بلد المليون شهيد"...

لذلك لن أخرج من ليبيا حتّى أقتل مليون ليبيا،

لتكون ليبيا أيضا "بلد المليون شهيد" !!

القذافي : استلمت الشعب الليبي 2 مليون وساسلمه 2 مليون

الـــقـــذافـــى لـــمـــا بـــيـــصـــحـــى مـــن النوم بيقول . دقـــت ســـاعـــة الـــمـــنـــبـــه دقـــت ســـاعـــة الـــمـــنـــبـــه أنـــا اتـــأخـــرت فـــي الـــنـــومـــ فـــيـــن الـنـــســـكافـــيـــه فـــيـــن النسـكافــيــه? ! الـــى الـــحـــمـــامـــ الـــى الـــحـــمـــامــــــ فـــوطـــة فـــوطـــة فـــوطـــة. . . . . الصعايدة فرحانين اوى عارفين ليه ؟ . لان كل النكت اليومين دول على القذافي . . . . القذافي يبرر إطلاق الرصاص الحي على المتظاهرين بأن السلطات في ليبيا لا تمتلك رصاصاً مطاطياً . . . . . حمار هربان من ليبيا وصل تونس وقفوة سألوه بتجرى ليه؟. قالهم : القذافي أمر بذبح كل البقر ! قالوله : بس انت حمار مش بقرة ؟ قالهم : طب حد يروح يفهمه . . . . . ما الذى تحتاجه عند الإستماع للقذافى: ------------------------------------------- 1-قاموس عربى-قذافى....قذافى-عربى 2-أطلس للكره الأرضية لمعرفة علاقة ليبيا بأمريكا الاتينية 3-إستحضار روح هيرودت أبو التاريخ لتحاشى التهيس التاريخى 4-جلوكوز عند شعورك بالغثيان و الدوار 5-دواء ضغط 6-يجب أن يتم تقييد المستمع لتحاشى الإنتحار أو تدمير التلفاز 7-سبحة ومصحف لتحاشى السب