كأنه سَحبة قوس فى أوتار كمان
وتنفطر ليّام.. عقود كهرمان
يتفرفط النور..
والحنان..
والأمان
والحنان..
والأمان
وينفلت من بين إيدينا الزمان
***
الشر.. شرَّق وغرَّب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
(سيد حجاب)
ليست هناك تعليقات:
إرسال تعليق